Qan xəstəlikləri
Qan xəstəlikləri yalnız anemiyadan ibarət deyil. Qanın üç əsas hüceyrə qrupu — eritrositlər, leykositlər və trombositlər — fərqli funksiyalar daşıyır və hər birində baş verən dəyişikliyin öz mənası var. Ümumi qan analizindəki dəyişiklik tək başına diaqnoz deyil.
Nədir?
Anemiya, trombosit və leykosit dəyişiklikləri, laxtalanma pozuntularının diaqnostikası və izlənməsi.
Kimlər üçün?
Hemoglobini aşağı olan, trombosit/leykosit göstəriciləri normadan kənar, səbəbsiz göyərməsi olan xəstələr üçün.
Risklər?
"Qan analizim pisdir" ifadəsi az məlumat verir — hansı göstəricinin, nə qədər və nə müddətdir dəyişdiyi əsas sualdır.
Nə vaxt müraciət etməli?
- Hemoglobin aşağıdır və müalicəyə baxmayaraq qalxmır
- Trombosit/leykosit göstəriciləri davamlı normadan kənardır
- Səbəbsiz göyərmələr və ya uzun sürən qanaxmalar
- Limfa düyünlərinin böyüməsi, davamlı yorğunluq
Müalicə yanaşması
Araşdırma ümumi qan analizindən başlayır, dinamika köhnə analizlərlə müqayisə edilir (ən dəyərli, çox vaxt atlanan addım), sonra səbəbə yönəlmiş əlavə analizlər (dəmir profili, B12, fol turşusu) aparılır. Diaqnoz tez-tez bir addımda qoyulmur — bəzən analizi təkrarlamaq və dinamikanı görmək lazımdır.
Digər xidmətlər